“အိပ်မက်ကမျက်မှန်တပ်ထားတော့ …… အနာဂတ်ဟာသေချာတယ်”

(၁)

            သိပ်မကြာသေးမီကအဖြစ်အပျက်တစ်ခုကို စိတ်နှင့်ပြန်လည်ဖမ်းယူရရှိသည်။

            ကျနော်နှင့်ဘေးချင်းယှဉ်လျက်တွင် မျက်မှန်နှင့်မိန်းမလှလေးတစ်ဦးထိုင်နေသည်။

            ထိုမျက်မှန်၏နောက်ကွယ်ရှိမျက်ဝန်းများသည် ကျနော့်မျက်ဝန်းများကိုတည့်တည့်စိုက်ကြည့်စရာမလိုဘဲ ကျနော့် စိတ်ကိုအလွယ်တကူထွင်းဖောက်မြင်နိုင်သောမှော်ဝင်ကြည့်မှန်ချပ်များပင်ဖြစ်လေသည်။

            ထိုမှော်ဝင်ကြည့်မှန်ချပ်များကိုပိုင်ဆိုင်သောမိန်းမလှလေးသည် ကျနော့်ဘ၀အတွင်းသို့ တလက်လက်တောက်ပ နေသော အထူးအင်္ဂါနေ့တစ်ရက်တွင် စတင်ရောက်ရှိလာခဲ့သည်။

----------------------။----------------------

(၂)

            ထိုနေ့က ကျနော်တို့နှစ်ယောက်အတူတူ ‘ဆူရှီ’ သွားစားကြပါသည်။

            ‘ဆူရှီ’ ဆိုင်အတွင်းတွင် ၀ိုင်းတွေပြည့်နေသောကြောင့် တရုတ်စုံတွဲတစ်တွဲနှင့် မျက်နှာချင်းဆိုင်စားကြရသည်။

            ဘေးတိုက်ထိုင်နေရသောကြောင့်သူမမျက်ဝန်းများ၏အရောင်အဆင်းကို ကျနော်ဖမ်းယူရရှိရန်ခက်ခဲခဲ့ရသည်။

            သူမက စကားလည်းအတော်ပြောနိုင်သည်။

            ကျနော်လည်းစကားများသူဖြစ်သည့်တိုင် သူမနှင့်တွေ့သောအခါ (ဘာ့ကြောင့်ရယ်မသိဘဲ) နှုတ်နည်းနေမိသည်။

            သို့သော် သူမစကားပြောရင်းစားသည်ကပင်ကျနော်စားသည်ထက်မြန်နေသေးသဖြင့်အံ့သြရပြန်သည်။

            ကျနော်လည်း အစားမြန်သူပင်ဖြစ်သူပင်ဖြစ်သည်။

            မိသားစုအတွင်းတွင်ဖြစ်စေ၊ သူငယ်ချင်းများကြားတွင်ဖြစ်စေ၊ ထမင်းစားသည့်အခါ ကျနော်ကအရင်ဆုံးစားပြီး သည်ကများသည်။

            ကျနော်ထမင်းစားမြန်လွန်းသဖြင့် သူငယ်ချင်းစစ်ဗိုလ်တစ်ဦးကပင် “ငါတို့ရှေ့တန်းမှာ တိုက်ပွဲရက်ရှည်ဖြစ်နေတုန်း ကတောင် မင်းလောက်စားတာမမြန်ဘူး” ဟု နောက်ပြောင်ခဲ့ဖူးသည်။

            ယခုတော့ …… ထိုကဲ့သို့ အပြောခံရဖူးသူကျနော့်ထက်ပင်သူမက ပိုမြန်နေသေးသည်။

ဘေးတိုက်ထိုင်နေရသဖြင့် သူမမျက်ဝန်းများ၏အရောင်အဆင်းကို မဖမ်းယူနိုင်သော်လည်း သူမ၏စိတ်ထဲရှိသည့် အတိုင်း ရိုးသားပွင့်လင်းစွာပြောဆိုတတ်မှု၊ သွက်လက်ချက်ချာသောအမူအယာတို့ကြောင့် သူမကို အလွန်နှစ်သက်မိရ သည်။

မမြင်နိုင်သောစွမ်းအားတစ်ခုကလည်း ကျနော့်ရင်တွင်းသို့ စိမ့်ဝင်လာနေသလိုခံစားနေရသည်။

ထိုနေ့က သူမသည် ၀ါဝန်အတိုအနီရောင်လေးနှင့်ဖြစ်သည်။

သူမနှင့်လိုက်ဖက်လွန်းလှသောမျက်မှန်လေးတစ်လက်ကိုတပ်ထားသည်။

(သူများဆီမှငှားထားသည်ဟု သူမပြောသော) ထီးကောက်ကြီးတစ်လက်ကိုလည်းယူလာလိုက်သေးသည်။

“သွားမယ်…… သူငယ်ချင်း”ဟုဆိုကာတဖြည်းဖြည်းဝေးကွာသွားသောသူမ၏အနီရောင်ပုံရိပ်သည် ၂၀၁၂အတွင်း ကျနော်ပထမဆုံးဆုံးရှုံးလိုက်ရသည့် သက်တံ့စစ်စစ်တစ်ခုဖြစ်ကြောင်းကိုလည်း သိလိုက်ရလေသည်။

----------------------။----------------------

(၃)

          ကမ္ဘာမြေကြီးကိုမည်သူက စတင်ရှာဖွေတွေ့ရှိခဲ့ပါသနည်း။

            သောကြာဂြိုဟ်ကိုပျောက်ဆုံးသွားသူမှာ ကျနော်ဖြစ်ပါသည်။

            “နင့်လက်က ပုလင်းကိုင်တဲ့လက်ပဲဟ။ နူးညံ့နေတာပဲ”

            ထိုစကားကိုသူမပြောသည့်အချိန်တွင် ဘာကြောင့်မှန်းမသိဘဲ ကျနော်ပြုံးလိုက်မိသေးသည်။

            တရုတ်တန်းပလက်ဖောင်းများပေါ်ရှိ ဈေးဆိုင်တန်းများကိုငေးရင် သူမနှင့်ကျနော် အတူတူလမ်းလျှောက်နေကြ ပါသည်။

            ထိုသို့ သူမနှင့်တူတူလမ်းလျှောက်ခွင့်သည် ကမ္ဘာကြီးတစ်ခုလုံးကို ထပ်မံပိုင်ဆိုင်ခွင့်လည်းဖြစ်ပါသည်။

            သူမ၏ဆံပင်တိုလေးများသည် ကျနော့်အောင်နိုင်ခြင်းများ၏သင်္ကေတဖြစ်သည်။

            သူမ၏ဖြူဝင်းသောအသားအရည်သည် ကျနော့်အနာဂတ်များ၏တောက်ပမှုပင်ဖြစ်သည်။

            သူမ၏ကိုယ်သင်းရနံ့သည်လည်း ကမ္ဘာကျော်ရေမွှေးများကိုပင် သိမ်ငယ်စေနိုင်သည်ဟုလည်း ကျနော်က စွဲစွဲမြဲမြဲ ယုံကြည်ထားလေသည်။

            သာမာန်ထက်မလွန်ကဲရသေးသော ရင်းနှီးမှုအခြေအနေမှာပင် ကျနော့်အိပ်မက်များ သွက်သွက်ခါနေခဲ့ရသည်။

----------------------။----------------------

(၄)

            မိသားစုအရေးကိစ္စများကြောင့် စိတ်ညစ်ညူးပြီး ကျနော့်စိတ်များရှုပ်ထွေးလေးလံနေရသည်။

            ကျနော့်လက်ချောင်းများက သူမ၏တယ်လီဖုန်းနံပါတ်များကိုခေါ်ဆိုရန် အလိုအလျောက်ရွေ့လျားမိသွားသည်။

            “ဟလို”

            သူမ၏ဖုန်းထူးသံသည် ကျနော့်ကိုစကြ၀ဠာတွင်းမည်းကြီးများဆီမှ ဆွဲတင်လိုက်သောအသံဖြစ်သည်ဟု ထင်မှတ် လိုက်မိသည်။

            ထိုအသံတစ်ခွန်းတည်းနဲ့တင်ကျနော့်ဦးခေါင်းထက်မှတိမ်တိုက်မည်းများကိုသူမကလွင့်ပါးပျောက်ကွယ်စေခဲ့သည်။

            “Dream Bed သွားဝယ်ရဦးမယ်ဟ သိလား။ ငါ့အဖေအတွက်လေ။ ပြီးတော့ Eye Liner လည်း ၀ယ်ရဦးမယ်”

            “ငါတို့ နှစ်ယောက် တစ်ခုခုသွားစားရအောင်လေ။ နင် ဗိုက်ဆာနေရောပေါ့”

            သူမ၏စကားသံများကြားတွင် ကျနော်တန်ဖိုးထားလှသော ကျနော့်ကိုယ်ပိုင်ချိန်များကို ရက်ရက်ရောရော ထိုးကျွေးလိုက်မိသည်။

            သူမ၏လိုအပ်မှုတိုင်းအတွက် ကျနော်က ဆူးတစ်ချောင်းလို ရဲဝံ့နေမိသည်။

           

ဆံညှပ်တပ်မထားလျှင် နဖူးပြင်ပေါ်သို့ဝေ့၀ဲကျနေသောသူမ၏ဆံပင်တိုလေးများတွင် ကျနော့်အနာဂတ်များ စီရရီ တွဲခိုနေကြသည်။

           

သူမသည် ကျနော့်ကိုယ်ပိုင်ပြက္ခဒိန်အတွင်းသို့ ချိုးကွေ့မောင်းဝင်လာသော အိပ်မက်မြစ်တစ်စင်းလည်း ဖြစ်လေ သည်။

----------------------။----------------------

(၅)

“ဟလို”

“သူငယ်ချင်း ရွှေရုပ် ငါအိမ်နဲ့အဆင်မပြေလို့ အိမ်မပြန်ဖြစ်ဘူးဟာ။ တစ်ညလုံးလည်းမအိပ်ရသေးဘူး။  နင်ရုံး ဆင်းရင် ငါကားဂိတ်နားမှာ စောင့်နေမယ်သိလား။ ငါ့ကိုတော့ နင်ရှာရလွယ်မှာပါ။ ငါကမနေ့က နင်နဲ့တူတူလျှောက်သွား ထားတဲ့ အ၀တ်အစားနဲ့ပဲလေ”

ကျနော့်ရဲ့အရွှန်းဖောက်စကားသံအဆုံးမှာ သူမ၏ရယ်သံသည် ပန်းတစ်ပွင့်၏ပွင့်ဖတ်ချင်းထိခတ်သံလို ထွက်ပေါ် လာခဲ့သည်။

ထို့နောက်ဖုန်းချလိုက်ပြီးစက္ကန့်အနည်းငယ်ခန့်မျက်မှောင်ကုတ်ကာကျနော့်အကြောင်းကို “ဘယ်လိုကောင်ပါလိမ့်”

ဟု စဉ်းစားနေပါလိမ့်မည်။

            (သို့မဟုတ်)

            ဘာမှအရေးမကြီးသည့်သတင်းတစ်ခုကိုသိလိုက်ရသလိုလည်း မေ့မေ့ပျောက်ပျောက်ဖြင့် သူ့အလုပ်သူ ဆက်လုပ် နေပါလိမ့်မည်။

            တစ်ခါတစ်ရံတွင် သူမသည်လေးနက်မှုအချို့ကိုဘာမှမဖြစ်သလိုဟန်ပင်ဖြင့် သိုဝှက်သိမ်းဆည်းရာတွင် ကျွမ်းကျင် သူတစ်ဦးလည်းဖြစ်လေသည်။

            “လာလေ ရွှေရုပ် သွားရအောင်”

            “ခဏနေဦးဟ င့ါအိတ်ထဲမှာ ငါရှာစရာရှိလို့”

            ခဏအကြာတွင် ဆတ်ကနဲ ထရပ်လိုက်ရင်း ကျနော့်ရင်ဘတ်ကို သူမလက်ထဲမှ အရာတစ်ခုဖြင့် လိုက်လံတို့ထိ ပေးသည်။ ကျနော်ခဏငေးကြောင်သွားသည့်အခိုက်အတွင်းမှာပင် သူမကနောက်ကျော်ဘက်သို့ပါ ၃ ချက်ခန့် တို့နေပြန် သည်။

            ရေမွှေးဆီပုလင်းဖြစ်မည်ဟု ကျနော်ချက်ချင်းသိလိုက်သည်။

            စိတ်ထဲတွင်လည်း နှစ်ခြိုက်ရွှင်လန်းမှုတစ်ခုကို ခံစားလိုက်ရသည်။

            “မလိုပါဘူးဟာ။  ငါအ၀တ်မလဲလာပေမယ့် ရုံးမှာရေချိုးလာပါတယ်ဟ။ နင်ကလည်း………”

            “မကောင်းဘူးလေဟာ။ ဘာပဲဖြစ်ဖြစ် နင်အခု သူငယ်ချင်းတွေဆီသွားရဦးမယ်မဟုတ်လား။ ဒီလိုဆို ပိုမကောင်း ဘူးလား။”

            သေချာပါသည်။

            သူမသည် အနာဂတ်ဝင်စားသူဖြစ်သည်။

          သူမသည်ကျနော်ဆေးခြယ်စရာမလိုဘဲ လှပနေနှင့်ပြီးသော ပန်းချီကားတစ်ချပ်လည်းဖြစ်သည်။

            ကျနော့်ရင်ခွင်နေရာအနှံ့တွင် သေဆုံးလျက်ရှိသောမျှော်လင့်ချက်များကို သူမက စကားသံအနည်းငယ်ဖြင့်ပင် ပြန်လည်ရှင်သန်စေခဲ့သည်။

            သူမမျက်နှာပေါ်ရှိ အပြုံးတစ်ခုချင်းစီသည် မှောင်မိုက်ခြင်းများမှ ကျနော်လွတ်မြောက်လာပြီဖြစ်ကြောင်း သက်သေများပင်ဖြစ်လေသည်။

----------------------။----------------------

(၆)

            ကျနော့်မှတ်ဥာဏ်များ နှစ်ပေါင်းများစွာ လုံခြုံရေးခြို့တဲ့နေခဲ့ရပါသည်။

            နေ့ရက်ပေါင်းများစွာမှောင်မိုက်နေသောကမ္ဘာအတွင်းသို့ အလင်းတမန်တော်တစ်ပါးသက်ဆင်းဝင်ရောက်လာခြင်း ကိုလည်း ကြိဆိုရပေမည်။

            “စစ်မှန်မှု”ဟူသည် ဂါဝန်အနီရောင်လေးနှင့်လည်း ရောက်လာတတ်ကြောင်းကို သင်ယူရရှိခဲ့ပါပြီ။

            မိသားစုအဆင်မပြေမှု။

            လုပ်ငန်းခွင် အခက်အခဲ။

            သက်ပြင်းများဖြင့် ငွေ့ရည်ဖွဲ့နေခဲ့သောအိပ်ယာဝင်အတွေးများ။

            အရာအားလုံးကိုထားရစ်ခဲ့ပြီး နှုတ်ခမ်းလှလှလေးတစ်စုံနှင့်အတူ “ပျော်ရွှင်ခြင်း” ဆီသို့သာ ဦးတည်ခုတ်မောင်း ပါတော့မည်။

            ချစ်ခြင်းမေတ္တာကိုလည်း အလှမွေးငါးကန်ထဲတွင် မွေးမြူထားလိုက်ပါပြီ။

----------------------။----------------------

(၇)

            ရေးလက်စအကြောင်းအရာများကို အိပ်ယာပေါ်သို့ တွန်းလှဲပစ်ချလိုက်ပြီးနောက်……… ……… ………

            ကျနော် အိပ်ပစ်လိုက်သည်။

            အိပ်ပျော်သွားသောအခါ ……… ……… ………

            ကျနော် အိပ်မက် မက်ပါသည်။

            သို့သော် ……… ……… ………

အိပ်မက်သည် မှုန်ဝါးမနေပါ။

            အိပ်မက်သည်မျက်မှန်တပ်ထားသောကြောင့် အနာဂတ်သည်လှပဖြိုးရီစွာ လင်းလက်နေခဲ့ရလေပြီ။          ။

-       စစ်နိုင်

a.m 4:00

18.1.2012

Wednesday